los anglès

L’autre ser, ai agachat la television, lo cronicaire disià qu’anava faire lo « buzz »per faire un « remix »sus un « single inside »  Ai pensat qu’aviài  crompat  un aparelh de television estrangier . Ma pichota felena m’a dich « mais non papé , ils veulent   enregistrer en studio l’arrangement d’une chanson sur un disque simple » e perdequé lo dison pas aquelas còlas de colhons . Ah ! es segur que riscan pas d’encapar l’accent de nosautres amb los « rosbeff »

E l’autra  badarèla Laurence Abeille deputada del Val de Marne, que vòl interdire als dròlles de veire las corridas. De que vòli aquele imenoptèr

, se poirià  ben que un jorn agantara un marrit còp d’insecticide sus cap . Deque crei aquela innocenta que los parents del miegjorn  an agantat sus cap un còp de sorelhuna ? Farià melhor de  passejar son tafanari dins las guinguetas del bord de Marne, traparà ben quicòm per faire bronsinar las abelhas. Aqueles deputats , porrisson nòstra vida, en creson nos salvar. Se poirià ben qu’un jorn faguessiam petar la castanha.

Quicòm mai que me tafura, se ditz qu’aqueste estiu lo rosat frescadet serà interdit sul bòrd de la mar. Encara un aberit qu’a trapar aquò. Cresi que cada matin , nos elitas se dison , de que vau trapar per faire cagar lo monde ?E ben me creiras pas cada matin trapan quicòm.  Aqui los alibofis començan de gonflar

E aquelas pichòtas que se bituoran per faire lo « binge drinking » beure, beure , beure per beure , aquò es pas faire la fèsta, aquò se ditz soi una bestia, e cresi qu’es una insulta, una infamia per las bestias ,que fan jamai aquò.

Bon , vau pas romegar totas la matinada coma un vièlh, la prima es arribada, las vinhas desboran, los geraniums florisson sus ma terrassa, las femnetas començan de portar las raubas cortetas amb un pauc de mistrau ,  tot aquò va s'envolar e aquò es polit. Jean Victor m’a dich las anadas  imper las femnas portavan pas culòtas. M’vau assetar sus un banc e asperar lo mistrau. E mèrda, fa tres jorns qu’es pas bingut , me cal encara asperar. M’cagui ai lo temps,  soi a la retirada. Los marins dison que per faire bufar lo vent cal fiular doçament . Ieu bufi, fiuli de puei lo matin e lo  vent es pas vengut. Cresi que Jean Victor m’a pres per un cambajon

Bon,  m’vau esparacar sus la terrassa coma una angrola amb una botelha de Jarras frescadet e un tròc de fogasa salada . Me cal profitar es pas encara proïbit.

Per las eleccions a la presidència  del departament ,n’i a un que volià cambiar de camp per faire egalitat de votz , coma èra lo mai vielh es el que serià estat eligit coma president amb de bonas primas,  Aquò se dis un òme de conviccions. Servis un cop de rosat per faire passar aquò. Me cal pas mai agachar los politicas ,es un cop a faire un « binge drinking »ara comença a comprendre las pichotas que s’embugan ,devan agachar los politicas.

Al reveire  a totes

 

Los campairòls de claudi Picot

Los campairòls de Claudi Picot

A Lunàs,  lo matin cal començar la jornada per  dejunar  amb la forqueta,  dos uòus al plat amb un tròç de cambajon e un talhon de Roquefort  e un cop de rosat , aquò es de bon per  debutar la jornada.

 Es aital que me diguèri  «  vau faire de VTT ». Es un bel matin dé octobre,  aquò es bon per restar jove e per faire lo bèl  dins Lunàs. Al primièr me passegi davant lo "Parlament".

Cal dire lo  Parlament es lo luòc lo mai important de Lunàs, a l’ombra dels maronièrs sus un parelh de bancs,  los òmes jacasan de tot e de res e agachan lo monda que passeja. D’aquel endrech se pot veire  la glèisa, lo pont del Gravezon, la passejada de las platanetas e tamben la  rota granda , se pòt tot veire.Tot comença aqui, las décisions municipalas, las rumors publiquas, çò fals, çò vertadièr, tot te disi, tot. Una causa se pòt pas dire, quicòm que degun te n va parlar. Aquela causa es l’endrech ont se pot trapar los campairòls.

 Oh ! Claudi de que fas aqui de bon matin tot solet al Parlament ? M’emmerdi,  Enric,  m’emmerdi, agacha, soi tombat dins l’Escarairàs e me soi petat lo pè  e  copat tres costèlas. Pòdi pas marchar , soi coma un con assetat coma un inocentàs de Poya. E tu, Enric ont vas amb ton enquestre de ric,  aquò còsta car, ieu per montar a Peyrolis ai pas besont de tot aquò  ,monti a pè

Cal dire que Claudi es lo mai grand braconaire de l’Escandorgues,  trochas , todres, conilhs,  perdigalhs,  tot aquo lo coneis e par dessus tot coneis los endrechs dels campariòls e ne’n parla jamai a degun. Los endrechs de campairòls es una causa que se ditz pas,  mai sus son lièch de mort

E be Claudi vau montar la còste del Camèl puèi l’ort de Folquier e lo còl del Teil, bon Claudi me’n vau e a mai

Enric esperas un pau, dins lo grand virador de la costa , laissas  la  bicicleta, davalas d’un lo réc e de l’autre costas  te cal cercar  las pichotas muralhas del vièlh mas de Cussol , agachas darrier jos lo ronsàs,  traparas un polit campairol.

Soi restat complètament  espantat  lo « rei Claudi PICOT »m’avià donat un petolhet de campairòls, aquo es una marca d’amistança que me laissa de cuol e me fai tustar lo còr , soi completament estabanit ,mer…mer.. mercé Claudi,  me’n vau vite sul pic

Escali la còsta del Camèl mai vite que Virenque dins lo Ventorn, ai  lèu fach de davalar lo rec,trapi lo ronsàs e aqui l’ai vist , venià de sortir de nuèit un tap, de que disi un tapassas de champanhe una  meravilha, fèrm  pas ges d’asticots ni de  babòtas,  mai polit, se pòt pas trapar.

Soi encara tot estabousit, me cal dintrar a l’ostal aquò es pas possible, m’o cal pas  dire. Degun me creirà

Aqueste campairòl,l’ai copat en pichòtas lamellas, aital  las pèças de cinc francs, un filet d’òli d’olivas et dos grans de sal gròsse  la Baleine sus cada borcin.

 Me soi dit,  vau tastar quicòm qu’es una legenda, una causa impossibla, e non es vrai, es pas un pantais , chut , chut , cal pas lo dire es  un sècret que degun deu coneisser

dis papi pourquoi apprendre l'occitan

« Dis, papi, pourquoi tu vas apprendre l’occitan à la FAC » ?

L’autre jorn ma pichòta felena me diguèt  « dis, papi, pourquoi tu vas apprendre l’occitan à la FAC » ?

Tota la setmana aquela question  me tafura  lo cap. E òc per de que ?

Vau donar rason  als amics que se trufan de ieu. Siàs lo vièlh  que va aquò de la FAC per faire l’estudiant jové . Bon, aquò es vrai e aquò es dich. Aquò m’en cagui sos una còlas de « counassas de primièra   categoria  de rugbi o de cantaires que s’embugan al rosat de còstas de ròse totas las jornadas »

Apuèi me diguèri es per me remembrar de ma pichòta enfància de mon papéta Enric qu’éra un òme bon, intelligent, moderaire e tanben de ma mameta Marcelle  qu’a totjorn trabalhat a la fornariá  vestida de negre per de que aquesta epòca  las femnas  portavan dòl  de  quoqu’ un de la familha de tots temps. Per las doss   tantas de ieu qu’eran quauqu’un  mai joves, aquò las agradava pas e se  bolegairan per faire cambiar tot aquò . Ara quora vesi aquelas « bedigassas » de vint ans que vòlon portar lo « voile » pensi a las doas tantas e tanben las mametas que se son tustat per l’escampar. Ma tanta Nicole era una de primièra a faire la FAC n’i a que disian quera per trapar de garçons , una joveta a la FAC èra  mal vist

Pensi tanben a totes los contestataires ecolos que vòlon gardar las zonas umidar cal demanda  als vendemiaires de camarga al aquestes que fasian las vendemias amb de « nopic » per pas se faire picar   la testa e tanben d’autras  causas que pòdi pas dire.  Que vòlon aquestes  ZANTIS ? tot que tornèssem cagar al fon de l’òrt e portèssem lo cagador de la nuèit dins un farrat cada matin

Ieu ai conescut tot aquò e vòli pas i tornar e aquò es l’occitan que me lo remeùbra.

E pauc a pauc de devenir bilingue « e oh ! los kounassas sai un pauc bilingue »aquò vos espanta, es  de bon far per parlar d’ autras lengas,  cresi que los pichòts que coneisson  l’occitan son avantatjats

Tornar encara   aprene l’occitan te fa vaire que l’occitan a empegat tota ta vida, es una causa qu’es dins ton ventre e o sabiàs pas. Aquela causa, es la tradicion

Oh!  o sabi ,soi un vièlh con que se ditz,  i a de causas qu’èran melhoras abans, lo virtual de ara m’agrada pas. De que vòs, ieu,  aimi  las fèstas vòtas, los vestiaris de  rugbi que sentisson lo camfre e las tresenas mieg-temps, los buòus al  camp e los ametlièrs en flor, lo rosat frescadet, los gratelons plan gras, aimi cantar amb los amics, aimi  las  femnas que passejan amb de roubes vestit cortetas, un tafanari virtuel es pas un tafanari es una imatge d’épinal , es pas aquò que fara peta lo termomètre e mai gonflar las alibòfis coma ditz lo mèstre Jean Victor Aioli . De que vòs faire amb una esquina de femneta « ipad » virtuala

Portatzs-vos plan e venètz amb ieu per aprendre la lenga nòstra se pòt que vos  ai donat l’aficion

corregit del blog

Corregit del blòg

Ai fach lo corregit dels articles del blòg . En  cors, me dises que soi en progrès, aquò m’agrada plan, es çò que  cerqui. Ai pas encara plan comprés l’ imperatiu negatiu mai aquo comença de dintrar. Aquelas putas de vièlhs an lo cap coma un calòs, cal l’amolir,  es una causa imperativa positiva impossibla

ma  filha  e las doas felenas son dintradas  de viatge amb lo gendre. La pastissariá  Poitavin se va recomençar lo trabalh.  Dijòus, per los corses potarai un tròc, non un trocàs de fougaça e tanben de florentins e per faire davalar  tot aquò un botelh de Jarras per de que lo sas pas , mai siài estat  REGISSEUR !!!!! d’aqueste domeni,  dins una autra vida . Aquelas putas de subjonctiu sai pas s’es aqui que cal l’emplegar e aquò es un infinitiu.

Ai lo cap coma un semalàs de la vinha de mon papèta  Henri. Vau beure un còp e agachar un pauc de rugbi a la television e tornarai dins un moment, se pòt que farai un parel de siesta.

Non vau pas dormir , farai de cachavièlhas, imperatiu, infinitiu,  subjontiu, gerondiu, participi passat, aquo fa un mescladis dins mon cap que se pòt estre una chichomailha de ma mameta Denise

Amistats e pòrta te plan

Enric lo vielh de la vinha que vòl faire l’estudiant jove