Episòdi 5 Lo Vièt-d’ase de Kussol
Kussol era
un grand romegaire, aviá un ortet plan polit a costat del Redondel lo cafè de Juli Vellas en contrabàs de
l’estrada granda. Un ortet plan
cultivat. i fasiá venir amb amor fòrça
legums : tomatas, corgetas, tucas,
trufas, caulets, cebas, ensaladas e tanben de vièts-d’ases plan polits que lo fasián s’en creire. Era orguèlhòs de son ortet. Los vielhs e las
femnas que passejavan sus la carriera agachavan lo viet-d’ase de Kussol e tombavan sus lo cuol d’admiracion e Kussol
se gonflava coma un pesolh. Kussol venià a çò de son ortet amb una bicicleta
escrancada e los joves se trufavan d’el.
Kussol èra colera e romegava mai
que mai. La còla de Lamouroux–Rambaud n’aviá un sadol. Una nueit los joves anèron pintrar los vièts-d’ases de totas las
colors: los viets-d’ases, roge, blau, blanc, jaune. Lo matin, lo monde que
passejavan s’espotiguèt de rire e
Kussol fasiá lo morre, marchava a pè, per
de que la bicicleta èra tanben pintrada
de totas las colors
Bon un
còp, ai parlat de Cécile. Cal en
dire mai e tanben de « l’albèrga
golarda »
Bon ! un viet- d’ase es una « aubergine » e pensetz
pas quicòm mai coquinas !
Amistats
amics
L’Enric del
Redondel
Episòdi 4 Chocolate
Chocolate
èra lo garda de pesca de Lunas. Era pas comòde e voliá agantar los joves que
pescavan dins la resèrva . I arribava jamai
e aquò lo fasiá romegar. Vos cal dire, dins los annadas 60, a çò de Lunas i aviá una còla de joves que menavan fòrça bruchs dins lo vilatge. Los fraires Joan-Pèire
e Claudi Lamouroux, Miquel Rambaud, Claudi Breil, Kiki Vellas,
Miquel Soulier, Rotland Bascoul, Joan Pèire
Viala. Cresi qu’ i aviá de filhas, de segur, Miquèla Frias, Ugueta Ponce e mai d’autres
que me remembri pas pus.Aqueles joves, èran pas los darrièrs per agantar las
trochas dins la resèrva o tanben dins lo beal. Nosautres la còla de Bibi qu’èrem
mai joves de un o dos annadas los agachàvem amb admiracion per de que
aqueles « Dieus » avián
de…Vespa. E las lausetas èran amorosas de las Vespa. Nosautres aviam las
bicicletas totas inscrancadas
Aquela còla
de « vièlhs »fasián de repais amb trochas del beal, escarabissas del
rèc de Nize, legums de l’òrt de Kussol, vin qu'es pas possible de dire aqui
d’ont veniá, es secret. Se volètz saupre, anatz al « parlament » de
segur Miquèl vos balharà un parels de detalhs e tanben lo nom de tot lo monde
Lo problèma
es que l’endeman del repais, Chocolate recebiá un paquet per las PTT amb las
tèstas, las espinas de trochas e los
clòs de las escarabissas. Chocolate fasiá lo morre, Kussol cridavá als raubaires e
lo « fornisseire » de vin era colèra. Tot aquò fasiá un rambalh pas
possible dins lo vilatge
Bon lo còp
que ven, vos parlarai de Kussol, de son
òrt e tanben de la bicicleta sieuna
Al mes que
ven
L’Enric
del Redondel
Aucun commentaire:
Enregistrer un commentaire