51 Mistèri meteorologic a Aigas Mòrtas

19 Mistèri meteorologic a Aigas Mòrtas

Vau te parlar de quicòm que me tafura dempuèi de temps. Una causa que se pòt veire solament dins los barris d’Aigas Mòrtas. Un mistèri meteorologic, un mistèri de la natura que degun pòt pas ne donar la rason. Aquò se passa dins la carrièra « Alsace Lorraine » al detràs de la glèisa Sant Loís, entre la sacrestia d’un costat e Papy Moise de l’autre costat. De segur aquí Belsebut e Sant Loís se fan lo morre, fan de contèstas. Se pòt que San Vincenç, patron de los vinhairons fague lo romegaire e tanben San Vincenç ( Moreau) patron del rosat que fa bronzar.

Dins la nuèit, a l’entorn de doas oras del matin, los festejaires que se rebalan dins la carrièra, fan de lisoletas. Pòdon pas pus marchar, e tomban de cuol. Per de que ? Per de que ? La rason ! : la glacina, la barbasta, la gelada. N’i a que tomban de bicicleta e fan de candeletas.

Cal demandar als Salins del Miègjorn de salar aquela carrièra amb de sal « la Baleine ». Anam mandar al cònsol de faire aquò a la debuta de l’estivada, per l’arribada dels parigòts. Per la seguretat dels toristas.

Un rosat que fa bronzar, que dona de glaça en carrièra : mistèri !! Aquò se ditz bufar lo caud e lo frèg.

L’Enric del Redondel

Mystère météorologique à Aigues Mortes

Je vais te parler d’une chose qui me préoccupe depuis longtemps. Une chose que l’on ne peut voir que dans les remparts d’Aigues Mortes. Un mystère météorologique, un mystère de la nature que personne ne peut expliquer. Cela se passe dans la rue Alsace Lorraine derrière l’église Saint Louis, entre d’un côté la sacristie et de l’autre Papy Moise. Il est certain que là Belzebuth et Saint Louis sont en conflit, ils se font la guerre. Il se peut que Saint Vincent, patron des vignerons, face la mauvaise tête mais aussi Saint Vincent (Moreau) patron du rosé qui fait bronzer.

Dans la nuit, vers les deux heures du matin, les personnes qui marchent dans la rue, font des glissades et tombent sur les fesses. Et pourquoi ? Quelle est la raison ? Le verglas, la gelée blanche. Certains tombent de bicyclette et font des cabrioles.

Il faut demander aux Salins du Midi de saler cette rue avec du sel la Baleine. Il faut demander au maire d’Aigues Mortes de faire cela dès la période estivale pour l’arrivée des parisiens. Pour la sécurité des touristes

Un rosé qui fait bronzer et qui génère du verglas dans les rues : mystère !! Cela se dit : souffler le chaud et le froid.