Aiga bolida L’autre jorn ai
escotat una emission de radio, lo subjècte èra : De que donar a manjar als
pichòts a la cantina ? tot lo monde avián una idèa e ne volián pas lachar
lo morcin. Cresi que dins aquesta emission, plan bona « La Granda
Charradissa » i aviá Melania que parlava amb fòrca intelligéncia (aquò per èstre plan vist, es de ciratge de pompas )
E de que diguèron tot aquel
monde ?
Los vegetarians volián
d’ensaladas, los musulmans pas de porcèls, los catolics de peis lo divendres, los
del colesteròl pas de pastisson , los allergics mèfi al pan al gluten. N’i a
que volián manjar que de fritas, d’autres que d’amboguès, d’autres aiman pas
las pastas d’autres las mongetas
Te vau dire los que preparan los dejunats dels escoliers, los
cal sortir de politecnica e lo cap vai gonflar
coma una cogorda
Al Sael, en Etiopia e tanben dins lo desèrt del Tènèrè,
o a ço de la guèrra se trapavan pas
aquestes problèmas . E per de que ? Per de que, i aviá pas res a bolotar.
E Jesus, Mahomet , Chrisna o Bouddha èran pas ço mai important, tot lo monda se’n
cagavan, tot lo monda manjavan çò que
trapavan e eran plan contents de lo trapar. Tres jorns darrièr un bartàs a
entendre bufar res que de vent, veiràs manjaràs lo que passeja e seràs plan
content. Disiá mon papeta Enric
A cò de « zetazunis »
vòlon faire de carn amb pas ges de carn, las moletas amb pas ges d’uòus, los
formages pas ges de lach de bediguas. Aquels ensucats te vòlon faire rosigar los criquets e los lombrics.
Cal arrestar de manjar de
carn roja que dona lo càncer. Aquò per de que tot lo monde cal estre
« végétarien » cossí farem per faire manjar las cebetas als lions de
l’Atlas.
Ara te vai parlar d’una causa qu’ai conescuda. Lo dinat
de mameta Denisa. Aqui degun romegava pas ! Agacha per començar, « macédoine »
dels vertadiers legums de l’òrt del papeta. Puèi carnsalada de Lacauna(méfi
ara es proïbit) amb un veiràs d’aramon de nòstra vinha de Courtiolle. Puèi
« vol au vent aux ris de veaux » per continuar « grondin a l’eau
sel mayonnaise » amb un blanc de Condrieux. A la seguida « filet Perrigueux »
e encara « un lievre a la
royale » o tanben una « fricassée de pigeonneaux » farcit amb de
rabassas. A la seguida de formatjons de las bedigas de Lunas e un morci de Ròcafort
de segur. Per beure un roge de Murvielh
e de Faugere. Per la finala baba al ròm plan embugat e un champanhe dins una
copa granda .E per digerir un pichòt veire de Trincavel
Bon lo ser se pòt laissar lo rosat frescadet per un
autre cop. Te cal tastar una aiga bolida abans
de te mestre al lièch. E coma disiá mon papeta, aquò te santifica, te purifica,
te laissas coma siás.
Al reveire amic, soi embugat,
per la fogaça salada veirem un autre còp
Enric del redondel
Aucun commentaire:
Enregistrer un commentaire