53 Gronhadissas e batèstas 01/02/2018
Cal dire que, a mon atge, ai conegut fòrça gronhadissas e
fòrça batèstas. Plan de moments ont lo monde se bolegavan. : «agachatz».
Mai 68, los joves volián cambiar la vida, cercavan mai de libertat.
1970 conflicte dels LIP. Batèsta emblematica de luta per una
autogestion
29 de decembre 1975, 5000 vinhairons blocan lo pòrt de Seta
per arrestar l’importacion dels vins italians
Lo 4 de març 1976 Montredon,
revòlta de los vinhairons, un
capitani de CRS es tuat
Totes aqueles soscaments, avián de rasons plan fòrtas, per
cambiar la vida, per trapar mai de libertat, per salvar son mestièr o tanben
trapar mai de justícia.
Ara de que vesèm? Una armada d’ensucats que fan de
revolucions per crompar dins las grandas surfaças, de que ? De..... Nutella.
Aquela mèrda a l’òli de palma. Puèi son forçats de faire çò mesme amb «les
couches culottes» per se netejar lo
tafanari.
Ei! Melania, faire una batèsta per un «fondent de chocolat»
de Paitavin es quicòm que se pòt ausir, mai de ....Nutella quana
vergonha !
Bon! Ieu per lo dejunar, vau sortir la confitura de guindols
de l’Escandorga e la pasta de codonh de mameta Desnisa. Aquò se n’i a pas pus,
te dona una rason de faire la batèsta. Benlèu que abans tastarai un bon morci
de pan de campestre amb de Ròcafòrt e un
còp de vin de Faugere
Amistats amics, tenètz vos fièrs
l’Enric del Redondel
Aucun commentaire:
Enregistrer un commentaire