Los mal rasats
De qu’es aquela
mòda, aquel biais de se passejar mal rasat amb una barba de tres o quatre
jorns. A la television fòrça cronicaires son de mal rasats. Cresi qu’ aqueles
òmes, son de fenhantàs, qu’ an la canha de se rasar cada matin. An pas besonh
de dire qu’es mai ecolo, qu’es per sauvar la tèrra, pas de shampong, de sabon,
que poirisson la planeta. Amb las lunetas negras es per s’amagar, per faire mai masclàs, mai viril. Ieu cresi
qu’an paur de las femnas que demandan l’egalitat. Aqueles òmes an pas encara
vist que las femnas los fan totes marchar per lo bot del nas.
N’i a que
son de « Hipsters » per jogar los demarcats anti conformisme, amb una
barba e las bralhas apropriadas mai caras. D’autres los barbuts pòrtan la barba
per la religion. An pas encara compres çò que se passa a Mossul. Los òmes se despachan d’escampar la
barba qu’èra imposada per Daech e EI. A Mossul los cofaires an plan trabalh
Ieu
pensi : rasat de freg , plan penhat,plan penchenat amb un pauc de sentit bon, es una marca de respècte
per totes, de saupre-viure. Mai soi un vièlh romegaire reborsier un pauc
conassàs.
Vau agachar
la vinha que deborra, que plora de jòia,
d’alegria per lo retorn de la prima. Es lo moment de faire petar un botelhon de
rosat. Lo rosat que fa cantar. Qu’es bon la vida !!
Aucun commentaire:
Enregistrer un commentaire