Arrestèm de faire los vièlhs
romegaires
Arresti de
faire lo vièlh romegaire abans d’èstre
un vièlh con. Repapiar de longa que las causas èran melhoras abans, es pas de bon. Cal agachar lo mond que se transforma, que se tresmuda. Cal
parlar mai que mai de causas que marchan plan, de causas bèlas, de causas
qu’agradan
Cal parlar fòrça
de joves que fan cambiar lo mond, fan cambiar las mentalitats, lo biais de
concebre la vida, lo biais de trapar lo
bonaur. Aqueles joves fan passar l’uman, la vida abans l’argent. De segur, d’argent ne
cal, mai cal pas se metre de cadenas als
pès per lo trapar. Se vòlon pas negar per d’argent. Aqueles joves sortisson
dels camins abituals , dels itineraris acostumats ,per trapar las solucions
novèlas. Crear dels camins corts, d’idèas novèlas, relocalisar l’economia. An
comprés que los politicas portaràn jamai las bonas solucions. Los politicas
corisson de longa darrièr las idèas e
son totjorn en retard d’una revolucion. Aqueles joves se prenon en man, per crear lor pròpri vida, an pas res de faire dels partits politics.
Aquò es una esperança per la seguida,
per l’esdevenir
Agachatz !
Los circuits courts per l’agricultura.
Las monedas localas eticas, solidaras : l’abeille,
la sol violette, la luciole, la graine, le provençal. Per los carrejaires :
BlaBlaCar
L’autre jorn
escotavi Andrea Boccelli e los còrs
de la Galice que cantavan un Notre Père per la catastròfa de tren en
Galicia. Aquò me donava de frissons dins l’esquina, me donava lo pelnaut.Trapavi
qu’aquò èra bel. Me disiá, lo bel pòt pas aver de religion. Lo bèl es lo bèl
que degun se pòt apropriar. ço bèl es per totes los omes que sabon l’agantar
Bon tot aquò
me dona la « patata » se pot qu’es la prima que comença de tustar a
la pòrta, los ametliers son en flors, fa
un bel solelh, vau quèrre un tròç de
fogaça salada amb un cop de rosé frescadet, lo rosat que fa bronsar. Al reveire
amics
Melania. Per escotar :
https://www.google.fr/padrenuestro-por-los-fallecidos-en-la-tragedia-de-galicia-y-todos-sus-familiares-y-amigos
